不經不覺 , 就十二年喇 ! 志豪喺我同Winnie 心目中 , 就好似一個長唔大既細佬咁 , 成日重好似當初識佢咁 , 又怕佢呢樣 , 又擔心佢果樣 ! 但呢一刻 , 睇見志豪同琪琪 , 身為家姐既我 , 雖然只係契 , 但真係好似自己細佬結婚咁 ! 我地真係好開心 ...

星期五既今日 , 真係忙到飛起 , 本來想等菲比豬游完水再去補一陣間習先至出去飲架 ! 不過 , 時間太趕 , 一上水就彭彭聲上樓換衫出去喇 !

話晒今日我都叫做新大姑奶丫 , 哈 ~ 化妝 set 頭呢d 野當然就唔少得啦 ! 自從飲完小森森果餐之後 , 我地都好耐冇試過咁開心 , 只願志豪兩公婆 , 甜甜蜜蜜 , 一生一世都咁愛對方就夠喇 !

我地今晚飲既地點係尖咀既帝庭 , 入到去一d都唔像酒樓 , 個場好靚 , 門口放咗好多好多佢地兩個既相 , 成個場地都揚溢著幸福 , 快樂 ! 睇得出志豪佢地真係花咗好多好多心思喺個婚禮度 !

連細佬都如埋婚喇 ! 睇嚟下次我屋企人再結婚既時間 , 都應該係飲菲比豬果餐喇掛 ! 哈哈 ~ 死啦 ! 又發開口夢喇我 ! hehe~

 志豪琪琪 :

我地真心祝福你同琪琪 , 願你一生幸福甜蜜 , 永遠開心快樂 !