菲比豬 8 歲喇 !

睇見菲比豬一年又一年咁長大 , 自己想唔認老都唔得喇 !

往年菲比豬既生日會 , 多數都係就星期六 , 所以 , 咁耐以嚟真係比試過正日開咁大型既生日會呀 ! 今年好好 , 咁啱係星期五 , 我地游完水之後 , 就九秒九換衫落會所喇 !

雖然好似好緊迫咁 , 但可以正日做生日 , 又喺夜晚黑 , 每個小朋友都玩得好投入 , 好開心呀 ! 當然 , 亦唔1得我啦 ! 哈哈 ~

唯一一樣嘢特別既係 , 今年多咗2位重要人物出席呢個生日會 , 佢地之唔係 ~~ 菲比豬既爺爺同嫲嫲囉 ! 本應重擔心爺爺嫲嫲會悶 , 會玩得唔開心 , 但佢地都好投入 , 或者係因為 , 佢地今年係第一次參加呢粒孫仔既生日會掛 !?? ^^

請既人同上嚟都差唔多 , 只係 , 少咗菲比豬既兩個契媽同阿姨 ! 的確 , 真係好似有d唔一樣 , 曾經有一刻 , 我都有諗過 , 佢地會唔會出現呢 ? 最後就哽係冇啦 ! 好在菲比豬似我一樣 , 都係有老人痴呆 , 唔係我都唔識點解話喇 !

點都好 , 好多謝舅父仔志豪 , 準舅母琪琪 , Winnie 姑姐  同埋 Auntie 娜娜 幫手 , 今晚招呼唔到喇 ! 但仍希望大家都玩得開心 ! ^.~