2008年既Boxing day , 冇一大班老友記 , 冇一個互動既大型Party , 有既 , 就係一家人既笑聲 ~

一連3日既聖誕節假期入面 , 我最鍾意就係呢一日喇 !

唔係因為有禮物收 , 而係 , 每次見倒身邊既人收禮物時緊張既樣 , 拆禮物時開心個樣 , 真係好開心架 !

今年 , 係我地同老爺奶奶過既第一個聖誕節 , 可能呢d日子對呢2位老人家嚟講 , 真係冇咩特別 , 但 , 我深信 , 一個節日味道咁濃厚既日子 , 再加上有大有細陪佢地兩老過 , 我諗佢地都會好開心既 ...

媽咪今日一手一腳整咗好多食物 , wooo ~ 佢真係好勁呀 ! 如果要我一個人整 , 哈 ~ 睇怕 , 到新年佢地都開唔成呢個大食會呀 !

有嘢食 , 又有禮物收 , 縱使間冇白色聖誕 , 但大家都一樣咁投入 ! Merry Christmas !

由於大家都掛住食 , 所以唔記得影相 , 呢張係唔之幾時影架 !哈哈 ~

呢d禮物 , 係大家都期待架 ! 

老豆個樣幾Q , 哈哈 ~ 呢張相影得佢好似一個大細路咁 ! 

點解媽咪會笑成咁 , 哈 ~ 之唔係阿軒表演緊跳忘情森巴健囉 ! 

一張有齊高/矮/肥/瘦既聖誕老人相 , 哈 ~ 問你死未 ! 呢張相第日一定好值錢呀 !