我一生人 , 最討厭果 D 不孝既人 , 雖然我唔係一個百份之百之孝子 , 但我自問自己對自己屋企人同老爺奶奶都盡晒自己既心/力去愛佢地 ... 但偏偏 , 身邊就有2個不孝子 , 唉 ~

喺今時今日 , 重有冇人知道 " 孝 " 從何嚟 , 古人話 ,{身體髮膚 , 受於父母} , 有人一出世就無父無母 , 有人喜望可再遇父母 .. 最可怕既係 , 有好多人都唔願意照顧父母 ..

睇見果D成日自吹自雷既人 , 講到自己點叻點勁 , 但一講到父母 , 第一時間就轉台 , 明明有老豆既 , 就話自己老豆死咗 , 明明有阿媽既 , 就視如不見 ... 一陣又話煩 , 一陣又話阻住晒 , 我記得好細個果陣 , 最常聽既一個說話就係 " 香港人情薄過紙 " 某個時間 , 我都同自己講 , 唔係丫 , 香港人好有同情心 .. 但今日呢 ? 呢句經典金句又再現我眼前喇 !

我身邊果2個不未子既第一個 就係自己親細佬 , 已身為3個小朋友既老豆 , 點解都重唔明白到 , 父母喺我地兒時 , 所飽受既係有幾咁痛苦 , 今日 , 佢揀咗一條佢覺得行得舒服既路嚟行 , 做家姐既 , 重可以講乜 , 做女既 , 又何以做乜 ? 唯有做好自己就算 ..

第2個不孝子 , 都係屋企人 , 坦白講 , 我真係唔想將佢同我扯上任何關係 ... 因為佢同我細佬都差唔多 , 有著數時就有老豆 , 冇著數時就問邊個係老豆 ! 佢之唔係我大伯囉 ! 我對佢反感 , 都係源於一個 " 孝" 字 ! 喺豬先生既家族入嚟 , 佢真係數一數二既checp 精 , 成日搵我老爺奶奶笨 , 作為一個仔 , 我真係唔知點解佢會做得出 , 要數佢真係數1年都數唔晒 ...

1. 佢負責管豬家基金既揸(車立) 人 , 每次食飯都食埋d不知所謂既野 , 記得有一年做冬 , 佢用我地基金既錢 , 叫埋一大班無里頭既人出嚟食飯 , 呢個都唔係重點 , 重點係 , 2圍人叫十幾個餸 , 聽落都冇咩特別 , 最攪笑既係 , 佢將十幾個餸分開2圍上 , 我地食食吓 , 就將d餸拎過隔離檯 , 然後又將隔離食到一半既餸 , 拎嚟比我地食 , 人地唔知 , 重以為我地好鬼慘 !

2. 老豆擺大壽 , 又驚死玥貼錢 , 是是旦旦book 間酒樓食飯就算 , 講真 , 雖然佢係我老爺 , 但我都當咗佢係我老豆咁 , 食餐生日飯都食得咁寒酸 , 重要成村人等佢個寶貝女到先開得檯 , 喺佢心目中 , 老婆同個女就大晒 , 其他人 .... 都係二打六咋 ! 我都好唔明 , 點解個個都唔敢出聲 , 成家人上上下下都好怕佢 , 或者係因為我都不過係個外人啦 , 對住呢隻超級賤精 , 真係好睇唔過眼 !

3. 今晚食飯時 , 聽老豆講咗一番說話 , 令我更加憎佢 , 佢孤寒就成個柴灣都知架啦 ! 個人小家 / 縮骨 / 老鬼土都冇人不知 , 但講到老土 , 都要講呢件事 ... 尋晚老豆媽咪(老爺奶奶) 上咗MI ( MI=大伯卓號= 下回分解佢個名既由來 ) 度打雀雀 , 食飯 , 完成後 , 佢宅點豬生出去話好多野塞喺佢間屋 , 但出到去都不過係果少少野 , 咁都算 , MI 有1個仔1個女 , 個仔係佢地成家人入面 , 我認為最正常 , 最似個人既 , 或者因為佢一D都唔知佢既父母啦 ! 阿仔第一次出糧 , 拎咗1000千出嚟 , 同MI 講話比500蚊佢 , 另外500蚊 就請阿爺飲茶 , 點知 ... 個CHEAP 精竟然自己據為己有 , 隻字都冇提 , 阿仔都聰明架喇 ! 送阿爺出門口時 , 問佢老豆有冇比錢佢 , 由於我老爺唔想佢2仔爺鬧交 , 所以就話收到喇 !

我聽完之後真係好鬼嬲 , 佢真係冇人性 , 老人家飲茶錢都呃 , 頂 ... 果個重要係佢老豆 , 間直不知所謂 , 講緊既唔係銀碼問題 , 係人格問題 , 牛高馬大 , 500蚊都呃 , 離晒普 , 自己唔比錢都算喇 , 點解個仔想孝敬阿爺都唔得 ! 本來我好想即刻MSN MI個仔 , 話佢知佢衰老豆D嘢 , 但老爺話唔好 , 有得佢 ..... 好嬲呀 ! 真係好想打去鬧佢人渣 , 然後cut 佢線 !

我好想講 , 孝順老人家 , 唔係用錢去計較 , 有錢既 , 可以比多少少佢地飲茶 , 冇錢既 , 就算只係問候一下都好足夠 , 我唔覺得真係咁難 , 有心總比有錢好 , 老人家要既係咩啫 , 錢佢地用得幾多 , 做仔女既 , 只希望佢地活得開心 , 活得健康就夠 , 偏偏 , 我身邊會有2個咁既人 , 係不幸 , 還是我時運低 ? 唉 ~ 數完個心都舒服d , 有緣人 , 如果大家都有緣睇倒呢個blog , 我請求大家 , 每日花1分鍾昤間去掛住自己既花母 , 花3分鍾既時間去祝福你地既父母 , 花5分鍾既時間 , 去關心你地既父母 , 我真係討厭人地話 "香港人情薄過紙 "