今日真係好緊張呀 ! 因為係我第一次做既家庭探訪 , 雖然我嚟唔切做心理準備 , 但 , 真係好感恩 , 皆因一切都十分之順利 ! 

其實之前上堂既時間 , 阿 Sir 已經講咗好多經驗比嚟同我地分享架喇 ! 但講到落手落腳 , 今次真係第一次 !

我今日係拍阿君做 , 一個唔知算唔算得上係單親既家庭 , 呢個準媽咪下個月頭就預產期喇 ! 之前聽阿君講佢既家庭背景時 , 我心真係有好多問號 , 一個同我差唔多大既女性 , 但就飽受好多好多既人間痛苦 ...

曾經喺我最唔開心既時間 , 我都有想講 , 自己到底係咪真係咁慘 , 但當自己放眼世界既時間 , 真係要講一句 , " 行埋一邊啦唔該 " 今次故事中既女主角 , 佢係一個內地女子 , 好幾年前 , 佢經朋友既介紹 , 同一個香港男人相體 , 起初佢地都冇咩感情 , 因為個男人有d輕度智障 , 但阿金佢都接受咗 , 喺一年後 , 佢更為呢個男人生咗個仔仔添 ! 但好境不常 , 個男人既屋企人 , 成日睇佢唔起 , 又成日用 " 鄉下婆 " 嚟稱呼阿金 , 加上 , 所為有輕度智障既男人 , 都比佢屋企人感染 , 每日都粗口問候 , 最後 , 阿金喺毫無自專既程況下提出離婚 , 當然 , 換嚟既就係比男家話佢係為咗呃張証啦 !

過往我聽見D咁既事 , 都會同一般香港人一樣 , 睇佢唔起 , 或者覺得呢個女人好有問題 , 但當聽到佢所講既經歷 , 自己都差D忍唔住喊 , 滿心諗住自力更新 , 搵份老人院工嚟打 , 但就喺離婚後一年多D , 遇上佢一個舊同鄉兼舊情人 ....

第二個男人既出現 , 唔代表咩 ? 正正因為一個單親女人 , 揍住一個小朋友 , 重要返工 , 呢個時候 , 有個唔介意佢帶住個仔 , 重對佢不知幾咁好 , 最後 , 希望可以搵倒個真愛既阿金 , 再次投入新既戀情 , 個男人為咗佢 , 同屋企人反面 , 唔理屋企人既白眼 , 都堅持要娶佢 , 我諗 , 都唔會有邊個女人會唔心動啦 !

命運並冇好好咁安排阿金去行條好既路 , 相反 , 阿金嫁咗比呢個男人之後 , 條命就更加苦不堪言 , 一結婚之後 , 呢個男人既底面 , 全部出晒嚟 , 阿金唔知邊一分鍾 , 個男人會打自己 , 更唔知邊一秒鍾 , 佢會搵自己個仔嚟出氣 , 面對住第2段婚姻 , 加上再度懷孕 , 呢個唔係就係人地話既 " 雪上加霜 " ?

原來 , 當一個男人要壞起上嚟既時間 , 跟本就唔再意自己係咪有老婆仔女 , 當阿金心灰意冷到極點時 , 佢再次決定走上離婚呢條路 , 絡婚先不過半年時間 , 點解會攪成咁 ? 冇人知 ? 冇人問 ? 最傷痛既唔係佢終於發現個男人真面目 , 而係 , 佢唔可以好似正常女人咁 , 搵倒真正既幸福 !

曾經 , 我都問過自己算唔算得上幸福 , 原來 , 發生喺我身上面既事 , 都不過係微不足道既事 , 當初我將呢D事用顯微鏡放大去睇 , 其實真係好蠢 , 喺我身邊擦身而過既 , 都不過係一粒塵 , 感恩個天比我呢個機會 , 讓我可以為其他人都出一分力 !