有人話 , 女人係一種好可怕既動物 , 因為女人既妒忌心好重 , 有陣時 , 重會做出一d無可估計既行為 .....

其實 , 妒忌或者係呷醋呢家嘢 , 跟本上就唔係女人既專利 , 男人往往比女人既妒忌心重100陪 , 甚至係1000陪添呀 !

今晚 , 我二姑奶阿Ling 同佢老公阿Ken 入咗嚟食飯 , 因為老豆同媽咪佢地過2日就飛喇 ! 今次佢地既目的地係 哈爾濱 , 初頭一聽見話人1地去哈爾濱時 , 我地個個都 O 晒咀 , 唔係呀嘛 ? 家陣果邊零下廿幾度喎 !

但佢地2個都好開心 , 因為有佢地多年前旅行時相識既朋友 "德國佬" 陪佢地去 , 唔好問我"德國佬" 叫咩名 ? 我地聽咗成10幾年都係知佢個名叫 " 德國佬 " 咋 ! 哈哈 ~ 或者 , 佢真係姓德名國佬掛 ! ^^

晚上落樓下食飯時 , 一開門就聞倒一陣既"殺氣" , 重有好濃烈既醋味 !? 正當我一入門口時 , 老豆就捉住我起勢咁鬧喇 ! 當然唔係鬧我啦 ! 佢鬧既 , 就係我奶奶同埋"德國佬" 喇 ! 我都唔知頭唔知路 , 只係知道 , 老豆話唔去哈爾濱喇 ! 佢話叫咗阿Ling 打去旅行社轉名 ... 細問之下 , 原來件事係咁既 ....

事原 , 佢地今日出去開茶會 , 當我老爺一聽見個導遊話哈爾濱點涷點涷之後 , 就開始驚喇 ! 加上 , 茶會上 , 佢又比"德國佬" 呼喝 , 咁條氣就好唔順喇 ! 到開完茶會之後 , 佢地就去行街喇 , 點知 , " 德國佬 " 因為對我奶奶毛手毛腳 <---- 呢句話係我老爺形容 , 但事實係 , " 德國佬 " 本身都係德國住咗好多年 , 佢地開放文化 , GOODBYEKISS 同鍚手手呢D , 都不過係一種禮儀 , 但估唔到 , 老豆佢竟然話 : 大佬呀 , 我中國人嚟架 ! 我黑頭髮架 ! 就係咁 , 佢就嬲到話唔去喇 !

哈哈 ~ 講真 , 我地成晚真係笑到合唔埋個口呀 ! 以我老爺一把年紀 , 佢竟然家陣先嚟驚個老婆出事 , 確實真係好攪笑 , 最慘係 , 我地4個後生既 , 就前前後後聽咗數十次老豆點鬧"德國佬" , 所以話呢 ? 邊個話女人小器架 , 計我話 , 男人都唔比我地弱架 !

但就呢件事嚟睇 , 就証明一點 , 原來我老爺真係幾愛我奶奶架 ! 哈哈哈 ~