小羊爸爸 <----- 呢個名字對我嚟講 , 真係好陌生 , 喺我印象中 , 我記得自己冇識倒一個Blog友叫做 小羊爸爸 ....
但唔知點解??? 小羊爸爸 又會走到我呢個咁普通又唔起眼既Blog 度留言呢 ????? 喺好奇心驅使之下 , 我click 咗入去 小羊爸爸 個Blog 度睇 ! 第一眼入到個Blog 度 , 的確有d 似曾相識 , 但又好似唔識咁 ... 因為當我睇到 第312封信 (離別第336天)到處去給網友們拜年 呢遍blog 時 , 我真係有d or 頭 , 到底係我自己太耐太耐冇寫blog , 還是係 , 我既老人痴呆真係咁嚴重 ? 我都唔太清楚 ....
但當我追睇落去時 , 我終於記得喇 ! 係一位叫做 羊狼二世 既Blog 友既Blog , 一個我曾經留下腳毛既blog , 當我花上2個半小時去追睇返呢一年內羊狼二世所發生既事之後 , 我真係嚇走一跳 , 我唔敢相信 , 原來呢位blog 友 , 就係早陣子自行了結生命既失聰教師 李菁 , 一位樣子甜美 , 清純既女教師 , 好多人都為佢輕生一事而難過 , 而感到可惜 , 原來 , 佢曾經亦不知不覺間溶入咗我既世界 !
原來人就奇怪 , 身邊好多人 / 事 / 物 ... 都不知不覺間溶入咗自己既生命 , 但自己偏偏就唔察覺得到 , 雖然我同小羊唔熟 , 雖然我地冇正正式式咁去了解過對方 , 認識過對方 , 但 ... 呢一刻我個心真係好唔舒服 , 就好似一位好朋友離開咗自己一樣 .
小羊爸爸 所為小羊所做既一切 , 確確實實打動咗好多人既心 , 我明白到 , 不管你所失去既到底係親人 / 朋友 / 師長都好 , 都一定唔好受 , 但我真心希望 , 小羊爸爸/媽媽 /姐姐都夠活得開開心心 , 健健康康 , 縱使小羊走到幾遠都好 , 我知道佢個心都一直留喺你地一家人身邊 , 照耀住你地 , 祝福住你地 ....
小羊 :
感恩你曾喺我既生命中留下腳印 , 雖然大家素未謀面 , 雖然大家各不相識 , 但我可以喺你身上 , 體會好多人生百態 , 呢種都係我既福氣 ! 願你喺極樂世界 , 尋找到你既幸福 !!
Blog友 : 方盈
04:44am
31 January 2009
