就連我自己都估唔倒 , 今日竟會有意外收獲 ....

晏晝我覺銀座時 , Jacky打比我 , 問我喺邊 , 我就答佢話我過緊銀座 , 電話中 , 佢叫我落屢就打比佢 , 佢有嘢要交比我 ...

起初我重以為係關於功課 , 點知落到樓 , 佢竟然比咗一份禮物我 , " 吓 ~ 咩嚟架 ! " <---- 呢句就係我半時既反應喇 ! Jacky好抵死咁話 , " Sorry , 我唔記得你幾時生日 , 但就依稀記得你係差唔多時呢個時間生日 , 加上識你咁耐 , 都冇送過一份生日禮物比你 , 所以 , 希望你唔好介意 ~"

我真係有d受寵若驚 , 的確 , 識咗 Jacky都有5/6年喇 ! 佢真係未送過生日禮物比我 , 但一下子收咁重禮 , 我又真係受唔起 , 不過點都好 , 我感恩Jacky 為我送上呢份禮物 , 讓我有份咁大既驚喜 ! thankyou ~

朋友們 , 生日唔係一定要收到利是或禮物架 ! 最重要既係 , 大家心目中重有大家就ok ! 由今日起 , 的起個心肝 , 細心記吓身邊人既生日或特別節日 , 送上佢地一個最真既祝福啦 ! 咁會比一切都嚟得更實際 !