大年初八早上11點 , 我地起程喇 ....

日   期 : 02 02 2009 ( 星期一 )

時   間 : 11點半集合 , 2點10分上機

人   物 : 我 , 菲比豬 , 豬生 , LoLo , Niko , Johnny , Angie , 奶爸 , 奶媽 , 阿腳

地   點 : 韓國首爾

航   班 : CX 418 & CX 419

旅行社 : 康泰

領   隊 : 洪 X 文  ( 文仔 ) 

團友總數 : 32 人

尋日一早就Call 定米高 , 佢架車10點半就喺我地樓下等我地喇 !

我地今次冇揀自由行 , 係因為我地都係第一次去韓國 , 費事博喇 ! 話晒都人生路不熟 , 係就係會辛苦d , 但都冇計 ! 我地 ( 菲比豬 , 豬生 , Johnny , Angie ) 5個人一架車 , 其他人就Join 埋一架車喺機場等喇 !

去到機場時 , 見倒今次帶團既領隊 , 佢個樣"串串拱" 唔識佢 , 重以為佢掙人好多添呀 ! 哈哈 ~ 心諗今次肯定會悶死啦 ! 唔理喇 , 上咗機先算啦 !

一落機 , 已經係首爾時間6點幾喇 ! 當地既天氣比我地想像中暖 , 雖然我地一個二個都著晒大褸 , 但實際氣溫都係3~4 度倒咋 !

第一件事要做既 , 就哽係要"唱" 錢錢先啦 ! 我咁大個女 , 都未試過揸住百幾萬喺手 , 好過引呀 ! 哈 ~ 呢d 就係韓國W喇 ! 今日既對換價係1蚊港幣對171W , 嘩 ~ 好高呀 !

我地第一站去既地方就係食韓國燒烤喇 ! 唔知點解 ? 我都係覺得香港既韓國燒烤比果邊既好食 , 哈哈哈 ~ 或者係因為太多太多野食喇 ! 而我地果晚就只係得豬肉比我地燒 , 真係好攪笑 ~

韓國可樂真係一d 都唔好飲 , 又冇汽 , 又甜 , 都係香港既好飲好多 !

好攪笑 , 比我地發現咗一樣野 , 就係食得既牙簽喇 ! 經LoLo 試食過 , 係絕對冇味 , 而且重幾硬吓添喎 ! 哈哈哈哈 ~ 佢重好抵死咁 , 慢慢咬晒成支 , 我諗全程用咗15分鐘倒啦 ! 勁呀 !

食飽飽就哽係返酒店啦 ! 我地住既就係506號房喇 ! 大家隨便參觀啦 ! 地方淺窄 , 招呼唔到喇 !

天呀 ! 一間酒店入面 , 竟然乜鬼都冇 , 洗頭水 / 沐浴液 / 牙膏 / 牙刷等咁簡單既野都冇 , 點叫做酒店 , 不如叫做別墅啦 ! 唉 ~ 擺抵行李後 , 我地就落街買日用品喇 !

行行吓 , 比我地又發現咗一樣好有趣既野 , 就係路邊一個個帳篷車型既大排檔 , 當然 , 我地亦都唔執輸啦 ! 點都要試一試當地既地道食料啦 ! 雖然唔知有冇比人搵笨 , 因為每碟餸都成12000W 呀 ! 但大家依然係食得好開心既 .... 唔好問我食過乜 , 我真係唔記得晒喇 ! 最記得就係LoLo 話一定要叫雞 ..... patpat 食 , 點知嚟咗碟唔知乜東東既物體 , 哈 ~ 算把啦 ! 大家都係至在試一試 , 丫 ... 唔知韓國既雞patpat 嗅唔嗅架呢 ! hehe ~ ^^

今晚update , 住咁多先 , 明天請早喇 !

~ The End ~