第二日行程開始喇 !
地點 : 三味雞食自助早餐 ( 勁差 )-> 大長今 D.I.Y -> 食石頭飯 (水準之作 ) -> 上雪嶽山新興寺 -> 參觀大祚榮拍攝場地 (超無聊 ) -> 韓華溫泉水上樂園 ( 勁好玩 )-> 食海鮮餐 ( 自費 180港幣 / 每人 )
尋晚我地喺房聚賭 , 玩到2點幾3點先瞓 , 今朝一早6點起身 , 真係人都癲呀 ! 上到車時 , David 提我地check 清楚有冇留抵野時 , 我竟然發現唔見咗大拿拿百二萬 ...... W 呀 ! 嚇到師機叔叔即刻停車 , Tommy 就帶住我走捷徑返酒店搵 , 死喇 ! 反轉晒間房都冇呀 ! 唔通咁快比執房個阿姐執咗 , 果一刻真係驚架 ! 雖然唔係百二萬港紙 , 但都有七千蚊架 ! 今次真係好大獲 .... 好在自己定一定 , 諗吓可能自己大頭蝦放咗入個喼度 , 點知一開 , 真係呀 ~ 要成車人等我一個 , 真係萬二分唔好意思 ~ 估唔倒行程第二日就咁刺激喇 !
上面呢個就係我地韓國攝影師 -->Tommy 喇 ! 幾靚仔 ! 我都忍唔住要同佢影返張相先 , hehe ~
呢幾日都係坐住呢架車買圍去架喇 ! 司機叔叔超攪鬼 ! 朝朝都笑住講 ( 你阿媽嚇死your )
我地今朝既早餐 , 就係喺呢間三味雞度食喇 ! 點解會冇雞食既 ?
唔好以為我地咁勁 , 自己一手一腳整好 , 其實佢地一早就預備好晒比我地 , 只係我地做吓樣 , 搽 D Kim chi 落去就攪掂 , 得咗 , 睇吓制成品啦 !
呢 "舊" 經以係最靚架喇 ! 哽係唔係我整架啦 ! 哈哈 ~ 咁失禮 , 唔好比人睇喇 ! 呢"舊" 係阿腳既制成品 , 超水準呀 !
咦 ~ 閔大人個仔咁大個喇 ! 哈 ~ 唔見大長針既 ?
食飽 / 影飽又玩飽喇 ! 我地跟住就要坐3個半鐘頭車上雪嶽山喇 ! 睇吓菲比豬瞓得幾甜 ...
終於都見倒雪喇 ! 好靚呀 ! 今次係我人生第一次見倒雪 , 果種感覺好奇妙 , 非筆墨可以形容得倒 !
呢餐就就石頭飯喇 ! 我個人就覺得呢個超好食 .... 如果比起今朝果餐 , 哈 ~
食完飯之後重要大大粒士多啤利做貼品添呀 ! 咁大盒都係8000W / $48 港幣 , 味道ok啦 ! 但我覺得冇乜士多啤利味 ...
食完飯又再出發喇 ! 第一站先去雪嶽山新興寺 , 本來我真係唔想落車 , 因為David 話只係帶我地去行吓公園 , 好在 , 最後都有落到車 , 唔係都見唔倒咁靚既景色呀 !
開始行入去喇 !
我地落車果陣 , 落緊冰雨呀 ! 好得意 , 一粒粒打落件衫度 , D 冰雨就彈走 ... 呢地睇樹上面既冰雨幾咁靚 ...
熊出沒呀 !
天氣越嚟越涷喇 ! 睇吓菲比豬包到自己幾密 , 哈哈 ~
嘩 ~ 好勁呀 , 冠峰打算喺雪嶽山開分店呀 ! 哈哈 ~ 唔知樓價貴唔貴呢 ? 呢幾個傻佬笑到四萬咁既口 , 肯定搵倒食啦 !
呢樹就係大名頂頂既雪嶽山新興寺喇 !
好大既佛祖呀 ! 唔影返張相真係對唔住自己 !
佢就係我地香港既領隊文仔喇 ! 對咗佢一日之後 , 發現 , 原來佢都幾好玩 .... 唔知道佢知道我張佢張相擺上網之後 , 會點呢 , 哈哈哈 ~ 比人點晒相啦 !
而家出發去第二個景點 , 呢個什麼大乜乜既拍攝場地 ...
呢個景點係我個人認為最極度無聊IQ題 ... 但都要影返2張相交代一吓既 !
好似骨場d Key 呀 ! 好攪鬼 ~
你兩條友仔玩完水出嚟就玩肚腩喇 ! 果真係好玩之人呀 ~
Niko 姐姐最愛三七面影相 , 又真係好上鏡喎 !
最衰水上樂園入面唔影得相啦 ! 但果倒入面真係超好玩呀 ! 如果下次再去韓國 , 我一定要再去多次 ~ 雖然影唔倒入面 , 但點都要影返幾張相交代吓既 , 哈 ~
呢餐海鮮餐 , 真係好抵食呀 ! 每人都係為起180蚊港幣咋 ! 雖然我唔食生野 , 但真係一餐唔錯既晚餐呀 !
我地今晚既飯後甜品就係 .... 燒煙花喇 ! ^^ 菲比豬玩得幾開心 ~ 好喇 ! 係時候又返酒店瞓喇 ! 咁多位 , 聽日見啦 ! bye ~
~ Day Two The End ~
