行程最緊張既一日嚟喇 !
日期 : 04 02 2009 ( 星期三 )
時間 : 6點9 moning call
行程 : 食早餐 , 租衫 , 食Lunch , 滑雪 , 食晚飯 .... 哈哈 , 跟團係咁上吓啦 ! 不外乎吃/喝/玩/樂 ...
今日moning call 時間係 : 朝早7:30am , 超正呀 ! 日日都6點幾就起身 , 真係生不如死 ..
呢間就係我地住既房喇 ! 個View 好鬼正 , 對正個滑雪場架 !
入到間屋度 , 真係嚇一跳 , 我地頭2 晚既酒店房 , 都細到不得了 , 今日竟然有大屋住 !
每個單位有2間房架 ! 上面係有床 , 下面就要塔塔米喇 !
哈哈 ~ 呢個電動廁所 , 我成日經過都見倒 , 但就未有機會用過 , 超過引呀 ! ^^
第一站就哽係首先哽係去比人割 ( 租衫 / 鏡 / 手套 ) 先啦 !
哈 ~ 幾多水魚 ~
呢個就係我地喺韓國既導遊 , Da~~~vid 喇 !
好幾位團友都覺得佢好似拍戲既paul 哥 !
割完之後 , 菲比豬經已急不及代著住件衫喇 !
好 ~ 出備出發喇 !
咦 ~ Tommy 仔同菲比豬傾咩呢 ? 咁開心既 ???
而家我地就喺滑雪場度租埋雪橇等用具 ..
Tommy 好勤力 , 卑躬屈膝咁幫我地度腳 , 著鞋 , 咁大個女都未試過咁好服侍呀 !
好緊張呀 ! 話晒都第一次丫 ~
你睇豬生個樣 , 幾咁攪笑 , 人地唔知 , 重以為佢去潛水添呀 !
睇埋呢2張重抵死 , 十個救火的少年 , 走淨2個咋 ! 哈哈哈哈 ~
咦 ~ 點解呢個小朋友咁似跑跑卡丁車入面既 _ 藍寶既 !???
哈 ~ 好邪呀 !
落場喇 ! 影返張相先啦 ! 笑 ~
睇吓呢2 位阿生 , 賣肉賣到雪嶽山 ~ 哈哈 , 好鬼得呀 !
冠峰一連兩日 , 分別喺雪嶽山國立公園 , 同埋龍平滑雪場開分店呀 ! 哈哈 ~
咦 ~ 豬生好似生得喇喎 ! 側邊重有2個同事幫手接生添呀 !
呢張相到底係豬生抄車之後扮型影相丫 , 定係佢冇力想抖抖而影呢 ?
我地之所以有張咁靚既全家幅 , 真係要多謝團友A 喇 ! ^^
唔該晒團友A , 幫我地揸機 ~ SORRY, 連你叫咩名都唔知 ! 哈哈 ~
唔好講咁多 , 先嚟張大合照 ~ yeah ~
食飯喇 ! 今餐又係食火wow , 嘘 ~ 真係食到驚呀 !
韓國七喜你飲過未 ? 佢特別之處就係 , 七喜冇七喜味 ,
但有梳打味 ! 問你死未 ? ^^
食霄野喇 ! 呢條就係網友們推介既哈密瓜雪條喇 ! 超正呀 ~
今晚update 住咁多先 , 太多相喇 ! 真係up 到眼花呀 ! ^^ 明晚請早啦 !
~ Day Tree The End ~
